مطعون الكلب ~

<BLOCKQUOTE>ابثكل صخرة بلال بكلبي شايل شوك
وبروحي جرح كبره بكبر هجرك
وحجب شوفي الدمع كدما بجيت اعليك
وطفه بليلك ظواها الجانت اتنظرك
على جتاف الظلام انحنت روحي وجيت
بيه اتعت وعت بجدامها الجمرك
مطعون وتبعتك يلجفيت اهواك
وبظهري الرمح وانت الهوى بظهرك
يل شدة بياضك مثل كلب بليس
كبل المعصيه امن الحبك اشظرك
لاكلب انحنه التمثال حسن الغير
وبحبك يصاحب بالمحبه اشرك
على شانك طحت وتوسديت الكاع
وانت ولام غيري ولام غيري الماعرف كدرك
كتلي انطيني ظهرك والظهر مطعون
وانطيتك كلب والغيري صار امرك
جفيت وخذت روحي وماخذتني وياك
وادري بحال حالي بمهجتي اتخبرك
على ظفتين جفني وجسر مجرى العين
فرشت روحي روحي وظلت اتنطرك
جفت صارت طيوفك والصليب جفاك
واحلامي جنايز والنعش غدرك
وانا بدونك غريب بلامحطه وريل
وبديرت شماتا وحيلي بعدك رك

ألك عين الفتت عقلي ولك شف
والك وشل دمع عيني والك شف
هاك انظر الم روحي والك شف
حزن يعقوب صار اضعاف بيه </BLOCKQUOTE>