الله وياك *** مو سهله تنكال
ولا كلمة وداعا اكدر احجيها
زرعت وياك ذكرى وخاطر تعيش
تعال وياي بالدمعات نسكيها
جنت اوياك ابني وعندي امالنا
وين *** امالنا الجنه نبنيها
ابجي وياك حقي اليوم اخر يوم
باجر وين ياهو الروح يسليها
اشبع شوف منك رايد اليوم
وروحي تريد تبجي عليك خليها
ابقى اهنا وشوف اشبيها شتريد
واذا زعلت عليك ارجوك راضيها
دارك لا تسده وانه موجود
بيه اكلوب النه ارجوك راعيها
ساعه وياك هسه وباجر بعيد
اسبوعين واجد وين وين نكضيها
------------------------
اذن من حقها تبجي العين
على فراك التحبه اليوم حزنانه
وشماله الوكت دكاته بينه اتصير
نتوادع بالدموع اليوم خلانه
عودك عون النه وطلع فرعون
عكس درب النحبهم ليش ودانه
بجيت وساح دمعي وبلل ثياب
حبيبي الغاب ياهو يعوض مكانه
ولئن طبع الاحبه يروح كلبي ويا
يعني بلا كلب فد نوب خلاته
جمر هذه الفراق وما يرحم الناس
دخل نص الكلب حيل جوانه
واذا رايد قناعه ادنه ليغاد
بس ركز عليه وشوف دخانه
نزلنه العلم بعد العلم شيفيد
وحبيبي اليوم اخر يوم ويانه
-------------------
مشينه اشلون مشيه بوسط صحراء
وهسه اشلون بينه وكفت الناقه
وامس حراس حطوا حبنه حرسوا
جنه انباك هسه وضايع الباكه
ومن نعطش جنه انشوف الاحباب
وليكعد يم حبيبه الماي ظاكه
بس اشلون هسه واحنه عطشانين
وحتى من النحبه انكطعت الساكه
وعندي احجايه رايد منكم اتسمعون
صديقك من تودعه بطل اللواكه
وداعا لا تكله وحتى الله وياك
بس بوسه على خده وكله
نتلاكه
السبت يوليو 16, 2011 9:18 pm
