عباس جيجان الوطن

من توحيد انت الشعب كله بشيعته وسنته
منو گالك ناسيك هم ينسه الگمر وكته
لو نبض الگلب يتذكر بدگته
بس عشگك عشگ مسطوح وعشگالناس كله ماكتر وسكته
صرت انت سبت وبرگبت يهودي هم شايف يهودي اجوز من سكته

انتالفارس ليسبق هموم الريح وماظل خيل سابق
وانت ليرهم ترابك كحل للعين ودوه للماشف علته
ومنطينك نحني اجفوف للمعرسين وكل اصبع من طينتك

وانت الريحت ترابك ترد الروح هيل وزعفران وعنبر بشبته
ومثل تراب گاعك مالگينه تراب يرهم للصلاه من طينتك تربته

انت ينام بيك مرتضى الكرار ابو الحسنين لتلود الناس كله بشارته وبخته
وانت ينام بيك الكربلاء الحسين لما بايع الطاغي ودنك رگبته
وانت ظلت بيك شارت العباس دنگله الفرات وباسه من شفته

ومن طلعت منك بيوم طرني البين گلبي وياي ماجبته
اثاريني نسيته هناك عندك گلبي امنته
شتلت بجرف دجله الخير ويه سباح الشواطي شربكت بته
ومتدن عروگه وسط هذيچ الگاع وبماي الفرات ودجله عمته
ولمن صار ينگل جدمه بين الناس اخذته وياي للكاظم على الشباك زورته

صح هسه اصبحت بالوطن نيدر لان هولندي الهويه وشعري گلبته
وصح تقلمت ويه الغرب فد نوب صرت ماصخ مثلهم والملح عفته
وصح گمت ارطن رطنهم لمن يرطنون ولسان العرب بالعجمي كسرته
لكن لكن مدري شني يصير بي لمن يمر طاريك
احسنك دفو تموز وسط شته وتاريني مثل طبع النخل لو طال بريح الفصول تنحني شعبته

العالم نسه بيوم 11 ايلول صارت بيك سالفته
ناس تگول لازم نحتوي نشفط البترول ونعوض الراح ونسرگ بركته
واناس تگول لازم الحصار يطول
وناس تگول لازمننزع اسلحته
واناس تگول خطيه اطفاله ماتو من الجوع
واناس تگول حل بيه ماحمد ربه وشاكر نعمته
وانت بين هذا وهذاك صاير شبح لليرمون ياهو لگام وسدد تفگته

چيف انت حلو والدول منك تغار ماعندهم عندك من مجد نلته
انت اول وطن ادم وظع جدمه عليه وگال يالله
وانت اول وطن حبه النبي ابراهيم ودعا ربه يصونه برحمته وعزته
وانت اول وطن مرسه سفينه نوح ونبي ايوب ناحت بيك راحلته
وانت لول وطن علم العالم ابجديه وسلم التاريخ
وانت اول وطن القانون سلمته
وانت اول وطن گالتله الشمس يمه صباح الخير لو رادت تمسي تمسي يم گبته
وانت اول وطن ماتشبه الوطان مدري ربي شلون خالقك سبحان ربي شلون صورته

صورته العراق وبس علينه يلوگ واحنه نلوگله بس يحن وكته